მონაცემთა ბაზა შეიცავს 2017 წლიდან 2022 წლის 26 სექტემბრის ჩათვლით პერიოდში საქართველოს კომუნიკაციების ეროვნული კომისიის მოთხოვნით დაბლოკილი ინტერნეტ გვერდების შესახებ სტატისტიკას. მონაცემთა ბაზა გამოქვეყნებულია ინფორმაციის თავისუფლების განვითარების ინსტიტუტის (IDFI) მიერ. ინსტიტუტმა მონაცემთა ბაზა დაამუშავა საქართველოს ეროვნული კომისიის მიერ მოწოდებული მიმართვების საფუძველზე.
"დაინტერესებული პირის მიმართვის თარიღის“ სვეტში “N/A” გამოყენებულია მხოლოდ იმ მიმართვებთან, რომლებსაც კომისია თავისი ინიციატივით აგზავნიდა, შესაბამისად „კომისიისადმი მიმართვის თარიღი“ ამგვარ შემთხვევებს არ მიემართება.
"დაინტერესებული პირის მიმართვის თარიღის“ სვეტში მონაცემის მითითების გარეშე დატოვებული ადგილები ნიშნავს, რომ კომისიის წერილებიდან არ იკვეთებოდა, თუ როდის მიმართეს ინიციატორმა სუბიექტებმა კომისიას.
„ინიციატორის იდენტიფიკაციის“ სვეტში, სადაც არ არის მითითებული სუბიექტის სახელწოდება, კომისიის წერილებიდან არ იკვეთებოდა ან IDFI-მ მიზანშეწონილად არ ჩათვალა მათი გასაჯაროება.
„Webpage (დომენის დასახელება)“ სვეტში მითითებულია მხოლოდ დომენის სახელი დომენის ტიპის (.com, .net, .ge და სხვ.) გარეშე.
„Webpage (დომენის დასახელება)“ სვეტში, სადაც მითითებულია “ - „ IDFI-მ არ ჩათვალა მიზანშეწონილად დომენის დასახელების მითითება.
